කොළඹ රිජ්වේ ආර්යා රෝහල අසලදී වෛද්‍යවරයකු ලෙස පෙනී සිටිමින් පුද්ගලයන් වංචා කළ පුද්ගලයෙකු බොරැල්ල පොලිසිය විසින් අප්‍රේල් 05 වැනිදා සවස අත්අඩංගුවට ගෙන ඇත.
ඒ අනුව සැකකරු වෛද්‍යවරයකු බව පවසමින් පුද්ගලයන් කිහිප දෙනෙකු රවටා විදේශ රැකියා සඳහා අවස්ථා ලබාදීමට සමත්ව ඇත.
දැනට නිට්ටඹුව ප්‍රදේශයේ තාවකාලිකව පදිංචිව සිටින 55 හැවිරිදි මාරවිල ප්‍රදේශයේ පදිංචිකරුවෙකු වන සැකකරු අත්අඩංගුවට ගෙන ඇත්තේ අදාළ මුදල ගෙවීමට එකඟ වූ පුද්ගලයෙකු සැකපිට බොරැල්ල පොලිස් ස්ථානාධිපතිවරයාට දැනුම් දීමෙන් අනතුරුවයි.
සැකකරු අත්අඩංගුවට ගන්නා අවස්ථාවේ වෙදනලාවකින් සහ වෛද්‍ය නිල ඇඳුමකින් සැරසී සිට ඇති අතර රෝග සහ රෝග පිළිබඳව වෛද්‍යවරුන් විසින් භාවිත කරන විවිධ පොත්පත් ද රැගෙන පැමිණ ඇති බව පොලිසිය පවසයි.
Share this: