බන්ධනාගාරයට දුරකතන, සිම්පත් සහිත පාර්සලයක් ගෙනගිය කතක් අත්අඩංගුවට

බන්ධනාගාරයට දුරකතන, සිම්පත් සහිත පාර්සලයක් ගෙනගිය කතක් අත්අඩංගුවට

තංගල්ල මහේස්ත්‍රාත් අධිකරණය තුළදී ජංගම දුරකතනයක්, දුරකතන සිම්පතක්, දුරකතන දත්ත හුවමාරු කේබලයක්, රස කැවිලි සහිත පාර්සලයක් බන්ධානාගාරගතව සිටි සැමියාට ලබා දීමට තැත් කළ බව කියන කාන්තාවක අද(18) බන්ධනාගාර නිලධාරීන් විසින් අත්අඩංගුවට ගනු ලැබීය.

මෙලෙස අත්අඩංගුවට පත්ව ඇත්තේ තංගල්ල දංකැටිය ප්‍රදේශයේ පදිංචි 25 හැවිරිදි කාන්තාවක බව නිලධාරීහු කියති.

අත්අඩංගුවට ගත් කාන්තාවගේ සැමියා හෙරොයින් සම්බන්ධ නඩුවකට අඟුණකොළපැළැස්ස බන්ධනාගාරයේ සිට තංගල්ල මහේස්ත්‍රාත් අධිකරණයට අද ගෙනවිත් ඇති අතර ඔහුගේ සුවදුක් විමසීමට මෙම කාන්තාව අධිකරණයට පැමිණ ඇත.

ඇය කුඩා පාර්සලයක් සිය සැමියාට ලබා දීමට තැත් කළ අවස්ථාවේදී අත්අඩංගුවට ගෙන ඇති අතර එම පාර්සලයේ තිබී ජංගම දුරකතනයක්, සිම් කාඩ්පතක්, දුරකතන දත්ත හුවමාරු කරන කේබලයක් සහ රසකැවිලි තිබූ බව නිලධාරීහු පවසති.

Share this: