පියාගේ ආගම ඇදහිම වගේම හාමුදුරුවන් ඇතුළු අන්‍යගාමිකයින්ට ආධාර කිරිම වැරදියි – මොහොමඩ් ඊබ්‍රාහිම්ගේ හඬ පටිය එලියට

පියාගේ ආගම ඇදහිම වගේම හාමුදුරුවන් ඇතුළු අන්‍යගාමිකයින්ට ආධාර කිරිම වැරදියි – මොහොමඩ් ඊබ්‍රාහිම්ගේ හඬ පටිය එලියට

ෂැංග්‍රිලා හෝටලයේ බෝම්බය පුපුරවා ගත් මොහොමඩ් ඊබ්‍රාහිම්ගේ හඬ පටයක් සොයාගෙන තිබෙනවා.

මෙම හඬ පටය ඔහු විසින් පටිගත කර තිබෙන්නේ 2019 අප්‍රේල් 20 වැනිදා බවයි හෙළි වී ඇත්තේ. මීට අමතරව දෙමටගොඩ මහවිල උද්‍යානයේ ඔහුගේ නිවසේ සිට මෙය පටිගත කර ඇති බවත් හෙළි වී තිබෙනවා.

මෙම හඬ පටය ඔහුගේ බිරිඳ වන ෆාතිමා ජෙෆ්රි වෙත ලබා දී ඇති බවත් ඔහු බිරිඳට පවසා ඇත්තේ එම හඬපටය ප්‍රහාරයෙන් පසුව ඔහුගේ දෙමාපියන්ට ඇසීමට සලස්වන ලෙසයි.

“මාගේ අම්මාටයි , තාත්තාටයි සහෝදර සහෝදරියන්ටයි ලබා දෙන පණිවිඩය

මම කෙටියෙන් කියන්නේ අම්මා කරන වැරදි ක්‍රියාවලට දෙවියන් ගෙන් සමාව ගත යුතුයි.

ඒ වගේම පියාගේ ආගම් ඇදහීම් ක්‍රියාවලින් සමග අන්‍යාගමිකයන් සමග සම්බන්ධතා පැවැත්වීම , හාමුදුරුවන් ට ආධාර ලබාදීමේ කටයුතු වලින් මිදෙන්නට බැරිව ගියාට ඒවා ‘සිරක් කුෆ්‍රර්’ කටයුත්තක්.

මෙම පටිගත කිරීම ඔබලා අහන විට මම දෙවියන් ළඟට ගිහින් ඉදී.

දෙවියන් පිළිගන්නට ඕන මෙය සිය දිවි නසා ගැනීමක් නොව මා විසින් කරන දානයක් කියලා. නබිතුමා කියලා තියනවා , ප්‍රශ්න තියෙන කාලේ හොඳ භක්තිකයන් මිය යෑමට කැමැති විය යුතුයි කියලා.

දෙවියෝ ආදරයට තමයි මට මේ මාර්ගයේ පෙන්නුවෙ. සරියා මේ රටට එන්න ඕන.

කුරානය අනිවාරයෙන් කියවන්න. හදිස් කියවන්න.

අම්මාටයි , තාත්තටයි කියන්න පණිවිඩය තමයි මට සමාව දෙන්න. මා නිසා ඔයාලට කරදර අපහසුතාවයන් වෙන්න පුළුවන්.

මෙම මාර්ගය තෝරා ගත්තේ , දෙවියන්ගේ මාර්ගය නිසයි.

මේ නිසා අපේ පවුලේ අයට කරදර වෙයි,මගේ අම්මා තාත්තාට කරදර වෙයි කියලා මට මේ මාර්ගය තෝරා ගන්නේ නැතුව ඉන්න බෑ .

ඕගොල්ලො මට මෙයින් පස්සේ බැන්නත් ඊළඟ ආත්මේ වෙනකන් කර ගෙන ගියත් මම සමාව දෙනවා. ඒ නිසා මා හටත් සමාව දෙන්න.

මේ ක්‍රියාදාමය හේතුවෙන් මම ඉදිරියේ දී ‘නිෆාත්’ යන තත්ත්වයට පත්වෙනවා. ඊලග එක මමයි ඉන්ෂාෆුයි අති උසස් ක්‍රියාදාමයකට යනවා. අපි මරණයට පත් වෙනවා. පිහාත් කියන එක මේ කාලේ අනිවාර්යයි.” යනුවෙන් එම හඬපටයේ සඳහන්.

Share this: