දඹුල්ල ආර්ථික මධ්‍යස්ථානයේ එළවලු මිල ඉහළට

දඹුල්ල ආර්ථික මධ්‍යස්ථානයේ එළවලු මිල ඉහළට

දඹුල්ල ආර්ථික මධ්‍යස්ථානයට මේ දිනවල ලැබෙන එළවලු ප්‍රමාණය විශාල වශයෙන් පහත වැටීම හේතුවෙන් සියලුම එළවලු වර්ගවල මිල සීඝ්‍රයෙන් ඉහළ ගොස් ඇතැයි ව්‍යාපාරිකයෝ පවසති.

කන්ද උඩරට ප්‍රදේශවලින් ලැබෙන කැරට්, ලීක්ස්, බීට්, ගෝවා, මාළුමිරිස් ආදී එළවලු කිලෝවක තොග මිල රුපියල් 250 ත් 300 ත් අතර ඉහළ මිලක් ගනී.

පහතරට එළවලු වන වම්බටු, මෑකරල්, පතෝල, කරවිල, කැකිරි, පිපිඤ්ඤා, දඹල, ආදී එළවලු කිලෝවක තොග මිල ද රුපියල් 180 සිට රුපියල් 250ක් යටතේ අලෙවි වන බව වෙළෙන්දෝ පෙන්වා දෙති.

දේශීය රතුලූනු කිලෝවක තොග මිල රුපියල් 450ත් 550 ත් අතර මිලකට අලෙවි වේ. රතුලූනු වෙළෙන්ඳන් කියාසිටියේ යාපනයේ ප්‍රදේශයේ පමණක් ඉතා සීමිත රතුලූනු තිබීම හේතුවෙන් මිල ඉහළ යෑමට හේතු වී ඇති බවය. විදේශීය ලොකු ලූනු කිලෝවක තොග මිල රුපියල් 110 සිට 120 දක්වා වූ මිලකට අලෙවි වන බව වෙළෙන්දෝ පවසති.

මේ දිනවල පවතින වර්ෂාපතනය හේතුවෙන් එළවලු බොහෝමයක් විනාශ වීම මිල ඉහළ යාමට හේතුවී ඇතැයි ගොවීහු පෙන්වා දෙති.
ඉදිරියේදී උත්සව සමය හේතුවෙන් එළවලු අලෙවි කරගැනීමට විශාල පරිශ්‍රමයක් දැරීමට සිදුවන බව එළවලු මිලදී ගැනීම සඳහා පැමිණෙන වෙළෙන්දෝ පවසති.

දඹුල්ල ආර්ථික මධ්‍යස්ථානයට වෙනත් දිනවල දිනකට එළවලු ලොරි 600 ත් 700 අතර ලැබෙන බවත් එහෙත් මේ දිනවල ලැබෙන එළවලු ප්‍රමාණය 70% කින් පමණ අඩු වී තිබීම නිසා එළවලු මිල ඉහළ ගොස් ඇතැයි ව්‍යාපාරිකයෝ පෙන්වා දෙති.

දඹුල්ල ආර්ථික මධ්‍යස්ථානයේ අද(16) එළවලු තොග මිල දර්ශකය

කැරට් – රු 250 සිට 300 දක්වා
ලීක්ස් – රු 350 සිට 370 දක්වා
බීට් – රු 230 සිට 270 දක්වා
ගෝවා – රු 100 සිට 140 දක්වා
මාළුමිරිස් – රු 250 සිට 300 දක්වා
බෝංචි – රු 250 සිට 300 දක්වා
අමු මිරිස් – රු 300 සිට 350 දක්වා
වම්බටු – රු 200 සිට 250 දක්වා
මෑකරල් – රු 200 සිට 250 දක්වා
පතෝල – රු 150 සිට 200 දක්වා
කරවිල – රු 250 සිට 300 දක්වා
කැකිරි – රු 80 සිට 110 දක්වා
පිපිඤ්ඤා – රු 150 සිට 180 දක්වා
දඹල – රු 180 සිට 230 දක්වා
රතු ලූනු – රු 450 සිට 550 දක්වා

Share this: