රාජ්‍ය අමාත්‍ය ඩයනා ගමගේ පාර්ලිමේන්තු මන්ත්‍රී ධුරය අහෝසි කරන ලෙස ඉල්ලා ගොනු කර ඇති පෙත්සමක් අභියෝගයට ලක් කිරීමට අභියාචනාධිකරණය ඊයේ (26) අමාත්‍ය ඩයනා ගමගේට කල් ලබා දුන්නේය.
ඩයනා ගමගේ මහත්මිය පාර්ලිමේන්තු මන්ත්‍රී ධුරයෙන් ඉවත් කරන ලෙස ඉල්ලා සමාජ ක්‍රියාකාරිකයෙකු වන ඔෂල හේරත් මහතා ගොනු කළ පෙත්සමක් සෝභිත රාජකරුණා මහතා සහ ධම්මික ගනේපොල මහතාගෙන් සමන්විත විනිසුරු මඩුල්ල ඉදිරියේ කැඳවනු ලැබීය.
ඩයනා ගමගේ මහත්මිය වෙනුවෙන් පෙනී සිටි ජනාධිපති නීතීඥ ශවීන්ද්‍ර ප්‍රනාන්දු මහතා අධිකරණය හමුවේ මෙම පෙත්සම ඉදිරිපත් කළ අතර නඩුවට අදාළ විරෝධතා ගොනු කිරීමට පෙර ආගමන හා පිටවීමේ පාලකවරයාගෙන් ලිපි ලේඛන කිහිපයක් ලබා ගැනීමට අවශ්‍ය බව දන්වා සිටියේය.
Share this: