චීන රජය විසින් ශ්‍රී ලංකාවට ලබාදී ඇති තොග ඩීසල් මින් ඉදිරියට ඊයේ සිට (09) වී ගොවීන් වෙත නොමිලයේ බෙදා හරින බව කෘෂිකර්ම අමාත්‍යාංශය ප්‍රකාශ කළේය.
ජනාධිපතිවරයාගේ ඉල්ලීම පරිදි චීන රජය විසින් මෙරට කෘෂිකාර්මික හා ධීවර කර්මාන්තයේ නියැලෙන ජනතාවට ඩීසල් ලීටර් මිලියන 10.06ක් පරිත්‍යාග කළේය.
ඊයේ සිට සහල් ගොවීන්ට නොමිලේ ඉන්ධන බෙදා හැරීමට කටයුතු යොදා ඇති බව කොමසාරිස් ජනරාල් ඒ.එම්. එච්. එල්. අබේරත්න මහතා පැවසීය.
මෙම ඉන්ධන තොග යෝජනා ක්‍රමය සෑම ගොවියෙකුටම විශේෂ ඔන්ලයින් කූපනයක් මගින් පිරිනමනු ලබන අතර එම කූපනය නිල වශයෙන් එළිදැක්වීම ඊයේ පෙරවරු 11 ට කෘෂිකර්ම අමාත්‍ය මහින්ද අමරවීර මහතාගේ ප්‍රධානත්වයෙන් සිදුකලේය.
එහි ප්‍රතිඵලයක් ලෙස ඩීසල් ලීටර් 15 න් හෙක්ටයාර් 1 ක් සහ ඩීසල් ලීටර් 30 කින් හෙක්ටයාර 02 ක් අස්වනු නෙලීමේ කටයුතු සඳහා ගොවීන්ට ලබා දෙන බව කෘෂිකර්ම අමාත්‍යාංශය පවසයි.