ජාත්‍යන්තර මානව දිනය නිමිත්තෙන් මානව හිමිකම් කඩකිරීම්වලට සම්බන්ධ පුද්ගලයින්ට සම්බාධක පැනවීමට ඇමෙරිකානු රාජ්‍ය දෙපාර්තමේන්තුව තීරණය කර තිබෙනවා.

ඒ අනුව මාධ්‍යවේදී කීත් නොයාර් පැහැරගෙන යාමේ සිද්ධියට සම්බන්ධ බවට චෝදනා එල්ල වී සිටින මේජර් බුලත්වත්ත ද ඇමරිකාව විසින් සම්බාධක පනවා තිබෙනවා.

2008 මැයි මාසයේ දිනක කීත් නොයාර් සුදු වෑන් රථයකින් පැමිණි පිරිසක් විසින් පැහැරගෙන ගොස් වධ හිංසා පමුණුවන ලදී.

එවකට ඔහු ද නේෂන් පුවත්පතේ ප්‍රධාන කර්තෘවරයා විය. කීත් නොයාර් පැහැර ගැනීමට හමුදා නිලධාරීන් සම්බන්ධ බවට චෝදනා එල්ල විය.