ලක්සම්බර්ග් සමඟ ද්විපාර්ශ්වික උපදේශන සඳහා ශ්‍රී ලංකාව අවබෝධතා ගිවිසුමකට (MoU) එළඹ ඇති බව විදේශ කටයුතු අමාත්‍ය අලි සබ්රි අනාවරණය කළේය.

මැයි 13 වැනිදා ස්වීඩනයේ ස්ටොක්හෝම් නුවර පැවති 2 වන යුරෝපා සංගමයේ (EU) ඉන්දු පැසිෆික් අමාත්‍යවරුන්ගේ සංසදයට සමගාමීව මෙම අවබෝධතා ගිවිසුමට එළැඹුණු බව අමාත්‍යවරයා ට්විටර් පණිවුඩයක් නිකුත් කරමින් අනාවරණය කළේය.

අලි සබ්රි ලක්සම්බර්ග් හි විදේශ අමාත්‍ය Jean Asselborn ද හමුවූ අතර, එහිදී ගුවන් සේවා සහ වෙළඳ, ආයෝජන සහ සංචාරක ව්‍යාපාරය වැඩිදියුණු කිරීම සම්බන්ධයෙන් ගිවිසුමක් ක්‍රියාත්මක කිරීම පිළිබඳව සාකච්ඡා කරන ලදී.