2020 වසරේ කොයිම්බතූර්හිදී මියගොස් සිටියදී හමුවූ ශ්‍රී ලංකා පලාගිය මැර කල්ලිකාර මද්දුමගේ ලසන්ත චන්දන පෙරේරා හෙවත් “අංගොඩ ලොක්කා” හෘදයාබාධයකින් මිය ගොස් ඇති බව ඉන්දීය අපරාධ විමර්ශන අංශය (CB-CID) විසින් අධිකරණයට ඉදිරිපත් කළ අවසන් වාර්තාවේ සඳහන් වේ.
මේ අනුව එම ආයතනය විසින් “අංගොඩ ලොක්කා” සැකකටයුතු ලෙස මියයාමේ සිද්ධියෙන් පසු තමන් විසින් ලියාපදිංචි කරන ලද නඩු දෙකෙන් එකක විමර්ශනය අවසන් කර ඇත.
එක් නඩුවක් ඔහුගේ මරණය හා සම්බන්ධ වන අතර දෙවන නඩුව ඔහු නීතිවිරෝධී ලෙස ඉන්දියාවේ රැඳී සිටියදී ඔහුට ව්‍යාජ ලියකියවිලි ලබා දීම ඇතුළු විවිධ චෝදනා සඳහා මැර කල්ලියේ සහායකයින්ට එරෙහිවය.
“ප්‍රදීප් සිං” නමින් වසර දෙකක පමණ කාලයක් ඉන්දියාවේ චෙරන් මා නගර් අසල බාලාජි නගර් ප්‍රදේශයේ කුලී නිවසක ජීවත් වූ “අංගොඩ ලොක්කා” ජුලි 03 වැනිදා රාත්‍රියේ හෘදයාබාධයකින් මිය ගොස් ඇති බව ඒජන්සිය විසින් කරන ලද විමර්ශනයේදී සොයා ගන්නා ලදී.